नेपाल इन्टरनेशनल जेम एण्ड ज्वेलरी एक्स्पो २०१६को तयारी पूरा

काठमाडौं, १५ वैशाख । हस्तकला, सुनचाँदी, रत्न तथा आभुषण क्षेत्रका सम्बन्धित तीन वटै छाता संगठनहरुद्धारा प्रवद्र्धित नेपाल जेम एण्ड ज्वेलरी काउन्सीलको आयोजनामा  आगामी जेठ ७ गतेदेखि काठमाडौंमा नेपाल इन्टरनेशनल जेम एण्ड ज्वेलरी एक्स्पो २०१६ आयोजना हुन लागेको छ ।

६० वटा स्टलहरु रहने एक्स्पोमा मुलुक भरका प्रतिनिधि गरगहना व्यवसायीहरुका साथै विभिन्न मुलुकका ज्वेलर्सहरु पनि सहभागी रहने विश्वास आयोजकको रहेको छ ।

साथै अन्तर्राष्ट्रिय क्षेत्रमा भारत, चीन, थाइल्याण्ड, श्रीलंका, सम्पूर्ण सार्क राष्ट्रहरु र जापान तथा युरोपियन  राष्ट्रहरुबाट समेत सहभागी हुनाले मेला सहभागीहरुलाई मेलाको तयारीबारे जानकारी गराइएको छ ।

एक्स्पो मार्फत नेपाली आभुषण क्षेत्रको मौलिकता, विशिष्टता, क्षमता र संभावनालाई राष्ट्रिय एवं अन्तर्राष्ट्रिय क्षेत्रमा सबल रुपमा उजागर गर्न अझ सहज होस् भन्ने अभिप्रायले यो मेला गर्न लागिएको आयोजकको भनाई छ ।