विश्वको सबैभन्दा पातलो ल्यापटप सार्वजनिक, ‘एचपी स्पेक्ट्रे १३’ को मोटाई केबल १०.४ मिलिमिटर

Technology Khabar २६ चैत्र २०७२, शुक्रबार

विश्वको सबैभन्दा पातलो ल्यापटप सार्वजनिक, ‘एचपी स्पेक्ट्रे १३’ को मोटाई केबल १०.४ मिलिमिटर

काठमाडौं ।

काठमाडौं, २६ चैत । एचपीले विश्वको सबैभन्दा पातलो ल्यापटप स्पेक्ट्रे १३ सार्वजनिक गरेको छ । यो ल्यापटप केबल १०.४ मिलिमिटर मोटाईको मात्र रहेको छ ।

अमेरिकी टेक कम्पनी एचपीले ल्याएको स्पेक्ट्रे १३ ल्यापटपको स्क्रीन १३.३ इन्चको रहेको छ, जसलाई कोर्निंग गोरिल्ला ग्लासले सुरक्षित पारिएको छ । यो ल्यापटपको डिजाइन प्रोडक्ट डिजाइनर टोर्ड बुन्ट्जे र ज्वेलरी डिजाइनर जेस हान्नाले गरेका हुन् ।

एचपीको नयाँ ल्यापटप विण्डोज १० अपरेटिंग सिस्टममा आधारित रहेको छ भने यसको बेसिक भेरिएन्टमा फूल एचडी डिस्प्लेका साथमा ८ जीबी र्याम तथा २६५ जीबीको स्टोरेज रहेको छ ।HP-Spectre-13.3_Hinge-detail

रिपोर्टहरुकाअनुसार कम्पनीले यो ल्यापटपमा एउटा हीट पाइप जडान गरेको छ, जसले प्रोसेसरको हीटलाई बाहिर निकाल्दछ । यसका साथै यो ल्यापटपमा दुईवटा शक्तिशाली फ्यान राखिएको छ ।

यो ल्यापटपमा एल्यूमिनियमको अधिक प्रयोग गरिएको छ । यसको बट कार्बन फाइबरद्धारा बनाईएको छ, जसले गर्दा यो ल्यापटप निकै हलुका रहेको छ । फोल्ड गर्नका लागि यसमा पिस्टर हिन्ज लगाईएको छ । एचपीको नयाँ ल्यापटपमा १० घण्टाको ब्याट्री ब्याकअप रहेको छ ।HP-Spectre-13.3_aerial-view

एचपीको स्पेक्ट्रे १३ को बेसिक मोडलको मूल्य १,१६९ अमेरिकी डलर तोकिएको छ । यो ल्यापटपको बुकिंग अप्रिल २५ तारिखदेखि मात्र शुरु हुनेछ ।

Sajilo Visa

प्रकाशित: २६ चैत्र २०७२, शुक्रबार

ताजा समाचार