सामसुंगको ग्यालेक्सी जे थ्री (२०१६) सिरिज सार्वजनिक, बाईक चालकका लागि विशेष फीचर

Technology Khabar १९ चैत्र २०७२, शुक्रबार

सामसुंगको ग्यालेक्सी जे थ्री (२०१६) सिरिज सार्वजनिक, बाईक चालकका लागि विशेष फीचर

काठमाडौं, १९ चैत । सामसुंगले ग्यालेक्सी सिरिजमा नयाँ स्मार्टफोन ग्यालेक्सी जे थ्री (Galaxy J3) को नयाँ संस्करण सार्वजनिक गरेको छ । कम्पनीले मिड रेन्ज फोनको रुपमा ल्याएको यो फोनमा नयाँ फीचर ‘एस बाइक मोड’ (Samsung S Bike) पनि लन्च गरिएको छ ।

सामसुंग ग्यालेक्सी जे थ्री (२०१६) मा भएको यो मोडको प्रयोगबाट तपाईँले बाईक चलाईरहेको समयमा नोटिफिकेशनबाट समस्या हुनेछैन् । यो फीचरले बाईक चलाउन रोकिने बित्तिकै स्वचालितरुपमा तपाईँलाई कल गर्नका लागि अटोमेटिक म्यासेज पठाउने छ । Galaxy J3(2016)

एस बाईक फीचर मूख्य गरि ‘डू नट डिस्टर्ब’ फीचर हो, जसले बाईक चलाईरहेको बेला अनावश्यक अल्मल्याउने गतिबिधिलाई रोक्दछ । यसले म्यासेज पठाएर फोनधनी बाईक चलाईरहेको र अहिले फोन रिसिभ गर्न नसक्ने जानकारी पठाउँछ । यदि अर्जेन्ट कल आएको बेलामा भने १ अंक थिचेर फोन गर्न सकिन्छ ।

ग्यालेक्सी जे थ्री स्मार्टफोनमा ५ इन्चको एचडी सूपर एमोलेड डिस्प्ले राखिएको छ, जसको पिक्चर रिजोल्यूशन १२८०x७२० पिक्सेल रहेको छ । यो फोनमा १.५ गीगाहर्जको क्वाड-कोर प्रोसेसर छ भने १.५ जीबीको र्याम तथा ८ जीबीको इन्टरनल स्टोरेज राखिएको छ, जसलाई बढाउन सकिन्छ ।j3black-1

सामसुंगको नयाँ फोनमा ८ मेगापिक्सेलको रियर क्यामरा तथा ५ मेगापिक्सेलको फ्रन्ट क्यामरा राखिएको छ । यसमा २,६०० एमएएचको ब्याट्री प्याक रहेको छ ।

दुई सिम सपोर्ट गर्ने यो फोनमा कनेक्टिभिटीका लागि फोरजी एलटीई, ब्लूटूथ तथा वाईफाई छ ।

भारतीय बजारमा मात्र हाल सार्वजनिक भएको यो स्मार्टफोनको मूल्य भारु ८,९०० अर्थात १४ हजार २ सय ४० रुपैंयाको हाराहारीमा तोकिएको छ ।

यो फोन स्न्यापडीलमा मात्र खरिद गर्न सकिनेछ भने जे थ्री (२०१६) किन्दा भारु १,५०० बराबरको फ्रीचार्ज क्रेडिट अफर उपलब्ध हुनेछ ।

स्रोत   माध्यम

प्रकाशित: १९ चैत्र २०७२, शुक्रबार

Comments are closed.

Loading...