मोबाइल खरिदमा हात खाली नहुने उपहार, ब्राण्डेड फोनमा १५ प्रतिशत छुट

काठमाडौं ।

काठमाडौं, ५ चैत । ललितपुर मोबाइल कम्प्लेक्सले होली पर्वको अवसर पारेर मोबाइल खरिदकर्ताहरुलाई हात खाली नहुने उपहार योजना ल्याएको छ । मोबाइल कम्प्लेक्सले ल्याएको होलीमा हात खाली नहुने योजनामा कुनैपनि ब्राण्डको मोबाइल फोन खरिदमा न्यूनतम छुट तथा विभिन्न उपहार ग्राहकले प्राप्त गर्नेछन् ।

रंगहरुको उत्सव र साथीभाईसँग रमाईलो गरेर मनाईने होलीलाई अझ आकर्षक र रंगिन बनाउन कम्प्लेक्सले हात खाली नहुने योजना ल्याएको जनाएको छ ।

योजना अन्तर्गत होलीको अवसरमा हुवावे ब्राण्डका कुनैपनि फोनको खरिदमा ग्राहकलाई हात खाली नजाने उपहारमा ब्लूटूथ एचपी, सेल्फी स्टीक, टिसर्ट, ज्याकेट, कप, ब्राण्ड लोगोसहितको बोटल राखिएको छ । हुवावेका फरक फरक किसिमका फोन सेटअनुसार फरक किसिमका उपहारहरु मोबाइल खरिद गर्दा नै प्राप्त गर्न सकिनेछ ।

नेपालकै सबैभन्दा ठूलो मल्टिब्राण्ड शोरुममा अहिले बजारमा आएको सामसुंगको चर्चित स्मार्टफोन ग्यालेक्सी एस सेभेन वा एस सेभेन एजको प्रि बुकिंगमा २० हजार रुपैंयासम्मको गिफ्ट राखिएको छ ।

होलीको अवसरमा कम्प्लेक्सले अन्य मोबाइल ब्राण्ड सोनी, माइक्रोसफ्ट, जियोनी, एप्पल, डिटीसी, लाभा, नोकिया, सेलकोनको कुनैपनि फोन किन्दा १५ प्रतिशतसम्मको छुट उपलब्ध हुने कम्पनीले उल्लेख गरेको छ ।

यो योजना यहि चैत ५ गतेदेखि कम्प्लेक्समा खरिद गर्ने कुनैपनि ब्राण्डका फोन, ट्याबलेट, फ्याबलेटको खरिदमा लागु हुने कम्पनीद्धारा जारी विज्ञप्तिमा उल्लेख छ ।