सिजीको इयोन एज नेपाली बजारमा आयो, बजेट स्मार्टफोन ११,९९९ रुपैंयामा

Technology Khabar २७ माघ २०७२, बुधबार

सिजीको इयोन एज नेपाली बजारमा आयो, बजेट स्मार्टफोन ११,९९९ रुपैंयामा
Classic Tech
Nepal Telecom

काठमाडौं, २७ माघ । सिजी मोबाइलले इयोन सिरिजको नयाँ स्मार्टफोन इयोन एज (EON Edge) बजारमा भित्र्याएको छ । सिजिको यो नयाँ स्मार्टफोन दैनिकरुपमा मनोरन्जन र मिडियामा रमाउन चाहनेका लागि उपयुक्त भएको कम्पनीको भनाई छ ।

सिजिको इयोन एजमा ५ इन्चको अन सेल एचडी आईपीएस (On Cell HD IPS) डिस्प्ले रहेको छ । त्यसैगरी यसमा १.३ गीगाहर्जको क्वाड-कोर प्रोसेसर राखिएको छ भने फोनमा २ जीबीको र्यामका साथ १६ जीबीको इन्टरनल स्टोरेज रहेको कम्पनीले उल्लेख गरेको छ । यसको स्टोरेज माइक्रो एसडी कार्डद्धारा ३२ जीबीसम्म पुर्याउन सकिनेछ ।

त्यसैगरी यसमा एलईडी फ्ल्याशसहितको १३ मेगापिक्सेलको अटो फोकस रियर क्यामरा राखिएको छ भने सेल्फीका लागि ५ मेगापिक्सेलको फ्रन्ट क्यामरा राखिएको छ ।

सिजीद्धारा उपलब्ध गराईएको फोनको फोटोमा रियर क्यामरा तथा फ्ल्याश ब्याकसाइडको बिच भागमा रहेको छ । रियर क्यामराको ठिक तल सिजीको लोगो राखिएको छ । यो फोनको पावर बटन तथा भोल्यूम बटन दाहिने भागमा राखिएको देखिन्छ । त्यस्तै यसको फ्लीप कभरबाट पनि सर्कलमा फोन कल, म्यासेज, सेटिंग, म्यूजिक एप्स देखिन्छ ।

एन्ड्रोयडको ललीपप ५.१ भर्सनमा आधारित यो फोनमा २,००० एमएएचको ब्याट्री रहेको छ ।

सिजीले भित्र्याएको नयाँ स्मार्टफोन इयोन एजको बजार मूल्य ११ हजार ९ सय ९९ रुपैंया रहेको कम्पनीद्धारा जारी विज्ञप्तिमा उल्लेख छ ।

सिजीले हालसम्म नेपाली बजारमा ८ वटा स्मार्टफोन सार्वजनिक गरिसकेको छ ।

TK Viber

प्रकाशित: २७ माघ २०७२, बुधबार

Loading...