सोनीले फोर के टेलिभिजन सार्वजनिक गर्यो, एन्ड्रोयडमा आधारित तीन नयाँ टेलिभिजन

Technology Khabar २२ पुष २०७२, बुधबार

सोनीले फोर के टेलिभिजन सार्वजनिक गर्यो, एन्ड्रोयडमा आधारित तीन नयाँ टेलिभिजन
Classic Tech

काठमाण्डौं, २२ पुस । सोनीले अमेरिकामा ६ तारिखदेखि हुने कन्ज्यूमर इलेक्ट्रोनिक्स शो २०१६  कन्फ्रेन्सको अवसर पारेर तीनवटा फोर के टेलिभिजन सार्वजनिक गरेको छ ।

सोनीले फोर के अल्ट्रा एचडी टेलिभिजन सार्वजनिक गरको हो । जसमा एक्सबिआर एक्स ९३०डी, एक्सबिआर एक्स९४०डी तथा एक्सबिआर एक्स८५०डी सार्वननिक गरेको हो ।

यी सबै टेलिभिजनहरु एन्ड्रोयड टिभीहरु हुनभने यी सबै एचडीआर अर्थात हाई डाइनामियक रेन्ज कम्प्याटिबल रहेका छन् ।

सोनीले ल्याएका यी टिभीमध्ये एक्सबिआर एक्स ९४० डी ७५ इन्चको मोडलमा मात्र उपलब्ध हुनेछ भने एक्स८५०डी सिरिजको टिभी ५५,६५, ७५ र ८५ इन्च मोडलमा सार्वजनिक गरेको छ । त्यसैगरी अर्को एक्स ९३०डी मोडल भने ५५ इन्च तथा ६५ इन्चमा उपलब्ध हुनेछ भने यसमा सोनीको न्यू स्लीम ब्याकलाईट ड्राइभ टेक्नोलोजी प्रयोग गरिएको छ ।

सबै टेलिभिजनमा ट्राइल्यूमिनोस डिस्प्ले फीचर रहेको छ भने सोनीको फोर के प्रोसेसर एक्स वान प्रयोग गरिएको छ । यसले कलर, कन्ट्रास, क्लारिटिलाई अझ बढाउने कम्पनीको दाबी छ ।

सोनीको यो टेलिभिजनले गूगल कास्ट सपोर्ट गर्दछ भने यसले प्रयोगकर्ताको कम्प्यूटर तथा स्मार्टफोन, ट्याबलेटलाई पनि नियन्त्रण गर्न सक्ने सुविधा राखिएको छ ।

सोनीले यी टेलिभिजनहरुको मूल्यको बारेमा कुनै जानकारी दिएको छैन भने नया टेलिभिजन लाइन अप सन् २०१६ को शुरुवातमा उपलब्ध हुने मात्र बताएको छ ।

सोनीले टेलिभिजनका साथै नयाँ एप डब्ड अल्ट्रा पनि सार्वजनिक गरेको छ । यो एपले प्रयोगकर्तालाई सोनीको फोर के एचडीआर टेलिभिजनकामा फोर के एचडीआर मूभी तथा टेलिभिजन शो खरीद गर्न तथा स्ट्रीम गर्न सहयोग पुर्याउँछ । यो एप पनि अमेरिकामा यहि वर्षभित्र उपलब्ध हुने बताईएको छ ।

प्रकाशित: २२ पुष २०७२, बुधबार

Comments are closed.

Loading...