एप्पलले आईफोन सेभेनबाट अडियो ज्याक हटाउँदै, आईफोन सेभेन अब यस्तो हुने

Technology Khabar २१ पुष २०७२, मंगलवार

एप्पलले आईफोन सेभेनबाट अडियो ज्याक हटाउँदै, आईफोन सेभेन अब यस्तो हुने
Classic Tech

काठमाण्डौं, २१ पुस । एप्पलले नयाँ आईफोनबाट हेडफोनलाई हटाउने निश्चित भएको छ । कम्पनीले नयाँ आउन लागेको आईफोन सेभेनबाट हेडफोनलाई पूर्णरुपमा हटाउन लागेको हो ।

एप्पलका लागि आपूर्तिको काम गर्दै आएको एक चेन कम्पनीले एप्पलले आउने आईफोन सेभेनबाट अडियोको लागि प्रयोग हुँदै आएको हेडफोन ज्याक (headphone jack) हटाउने दाबी गरेको छ । एप्पलले आईफोन सेभेनबाट ३.५ एमएमको अडियो ज्याक (3.5mm audio jack) हटाउन लागेको हो । तर यसको बदलामा कम्पनीले वायरलेस प्रविधिको प्रयोग गर्ने भएको छ ।

एप्पल आईफोन सेभेन सीको उत्पादन जनवरी देखी

चीनिया सोशल साइट वेबोमा आएको एक रिपोर्टअनुसार एप्पलले अब अडियो ज्याकको साटो वायरलेस ब्लूटूथ प्रयोग गर्नुपर्ने हुन्छ । अहिले वायर्ड हेडफोन (Wired headphone) लाइटनिंग पोर्टमा कनेक्ट हुने व्यवस्था रहेको छ, जसले गर्दा अहिलेको ३.५ एमएमको लाइटनिंग पोर्ट पनि हटाईनेछ । अब वायर्ड हेडफोनको लागि लाइटनिंग कनेक्टरको प्रयोग गरिनेछ ।

आईफोन सेभेनको तल्लो भाग अब यस्तो हुनसक्छ
आईफोन सेभेनको तल्लो भाग अब यस्तो हुनसक्छ

एप्पलले निकै समयदेखि पातलो बनाउनका लागि विभिन्न किसिमका अध्ययन गरिरहेको छ, जसले गर्दा आईफोन सेभेनबाट अडियो ज्याक हटाईन लागीएको हो । त्यसैगरी कम्पनीले वायरलेस हेडफोनहरुको बिक्रीलाई प्रबद्र्धन गर्नपनि अडियो ज्याक हटाउन लागेको बताईएको छ ।

एप्पलले अडियो ज्याकको साटो प्रयोगमा ल्याउन चाहेको लाईटिंग हेडफोनहरु संभवत अन्य कम्प्यूटरहरुमा काम गर्दैन भने एप्पलभन्दा बाहेकका डिभाइसहरुमा पनि प्रयोग गर्न सकिँदैन् । त्यसैगरी लाईटनिंग पोर्टले एनालग अडियो सपोर्ट गर्दैन् । यसका साथै वायर्ड हेडफोनका लागि प्रयोगकर्ताले छुट्टै किसिमको एडप्टर (DAC) तथा एम्प्लिफायर (amp) बोक्नुपर्ने हुन्छ ।

यस्तो हेर्दा एप्पलको नयाँ प्रयोग निकै झन्झटिलो हुनसक्नेछ भने यो महंगो तथा अधिक उर्जा खपत हुने किसिमको हुनेछ ।

यो रिपोर्ट चीनबाट आएपनि अहिलेसम्म यसको बारेमा ठोस जानकारी आउन सकेको छैन्, त्यसैले यो बारेमा स्पष्ट रुपमा उल्लेख गर्न अझै कठिन रहेको छ ।

यस अघि पनि आईफोन लाइनअपमा वाटरप्रुफ हुने र यसले एन्टेनालाई छोप्नको लागि न्यू कम्पाउण्ड मटेरियल्सको प्रयोग गर्ने रिपोर्ट डिजिटाइम्सले उल्लेख गरेको थियो ।

प्रकाशित: २१ पुष २०७२, मंगलवार

Comments are closed.

Loading...