Technology Khabar ८ मंसिर २०७२, मंगलवार
काठमाडौं ।
काठमाडौं, ८ मंसिर । रिको इण्डिया (Ricoh India) ले आफ्नो ३६० डिग्री एंगलसम्मको तस्विर खिच्न सक्ने क्यामरा सार्वजनिक गरेको छ । कम्पनीले थेटा एस (Theta S) नामक विशेष क्यामरा भारतीय बजारमा सार्वजनिक गरेको छ ।
थेटा एस लाइट वेट पोर्टेबल क्यामरा हो जुन निकै सानो र आकर्षक रहेको छ । यो क्यामराबाट ३६० डिग्री (360º) एंगलसम्मको १४ मेगापिक्सेल गुणस्तर भएको फोटो खिच्न सकिन्छ । यो क्यामराको विशेषता भनेको यसले चर्को घाममा पनि राम्रो तस्विर खिच्न सक्दछ ।
क्यामरामा २५ मिनेटसम्मको १९२०X१०८० पिक्सेल भएको फूल एचडी भिडियो पनि खिच्न सकिन्छ । यसमा ८ जीबीको इन्टरनल स्टोरेज राखिएको छ भने यो क्यामरा गूगलको सर्भिसको अनुकुल रहेको छ ।
यसबाट खिचिएका तस्विर तथा भिडियोहरु सामाजिक संजाल फेसबुक, ट्वीटरलगायतका साइटहरुमा पनि सिधै अपलोड गर्न सकिने कम्पनीले उल्लेख गरेको छ । भिडियो यस्तो छ-
रिकोको नयाँ क्यामरामा माइक्रोफोन तथा स्पीकर पनि राखिएको छ भने यसलाई स्मार्टफोनसँग पनि कनेक्ट गर्न सकिन्छ । त्यस्तै यो एन्ड्रोयड, आईओएस तथा कम्प्यूटरमा पनि जोडेर काम गर्न सकिन्छ ।
निकै महंगो यो क्यामरा कम्पनीले हाल आफ्नो वेबसाइटमार्फत भारु ७,१९९।- मा प्री-बुकिंग गरिरहेको छ । भारतीय बजारमा भारु ३९, ९९५ मूल्य रहेको यो डिभाइस डिसेम्बरदेखि मात्र खरिद गर्न सकिनेछ ।
प्रकाशित: ८ मंसिर २०७२, मंगलवार
