सामसुंगको ग्यालेक्सी एस सेभेन आउँदै, थ्रीडी टच लाइक फीचर हुनसक्ने

Technology Khabar २९ कार्तिक २०७२, आईतवार

सामसुंगको ग्यालेक्सी एस सेभेन आउँदै, थ्रीडी टच लाइक फीचर हुनसक्ने
Classic Tech

काठमाडौं, २९ कात्तिक । कोरियन ग्याजेट निर्माता कम्पनी सामसुंगले आफ्नो आउन लागेको प्रिमियम स्मार्टफोन सामसुंग ग्यालेक्सी एस सेभेन (Samsung Galaxy S7) आगामी फेब्रुअरीमा सार्वजनिक गर्ने तयारी गरेको छ ।

कम्पनीको आउने यो स्मार्टफोनको बारेमा बजारमा निकै चर्चा परिचर्चा शुरु भएको छ । सामसुंगले यो फोन सन् २०१६ फेब्रुअरी २१ तारिखमा सार्वजनिक गर्न लागेको हो । कम्पनीले आगामी वर्ष स्पेनको बार्सिलोनामा आयोजना हुने मोबाइल वल्र्ड कंग्रेस शुरु हुनुभन्दा अघिल्लो दिन नै यो स्मार्टफोन सार्वजनिक गर्ने तयारी गरेको अनुमान गरिएको छ ।

तर ग्याजेट्सहरुको बारेमा समाचार लीक गर्ने इभलीक्स (@evleaks) ले सामसुंग ग्यालेक्सी एस सेभेन यसअघि नै अमेरिकामा एटी एण्ड टीमा यसअघि नै परिक्षण भईसकेको जानकारी दिएको छ । इभलीक्सका इभान ब्लासले ग्यालेक्सी एस सेभेन तथा ग्यालेक्सी एस सेभेन एजको एसएम जी९३०ए तथा एसएम जी ९३५ए मोडलको परिक्षण एटी एण्ड टी (AT&T) मोबाइल क्यारियरमा परिक्षण भईसकेको जानकारी चुहाएका छन् ।

सामसुंगको यो स्मार्टफोनको बारेमा अधिक जानकारी नभएपनि विभिन्न अनुमान र सुचनाहरु भने बाहिर आईरहेका छन् ।

यो स्मार्टफोनमा ५.७ इन्चको क्यूएचडी (QHD) क्वालिटीको डिस्प्ले हुनेछ जसको रिजोल्यूशन २५६०X१४४० पिक्सेल रहनेछ । main

खबरहरुकाअनुसार यो नयाँ फ्ल्याशिप फोन दुई वटा अलग प्रोसेसरहरुका साथमा आउनेछ । एउटामा साइनोज ८८९० चीपसेट प्रयोग गरिनेछ भने अर्कोमा स्न्यापड्रयागन ८२० चीपसेट प्रयोग हुने छ । केहि रिपोर्टअनुसार आधाजस्तो ग्यालेक्सी एस सेभेन स्मार्टफोनमा कम्पनीकै आफ्नै साइनोज ८८९० चीपसेट राखिनेछ भने बाँकी आधा फोनमा स्न्यापड्रयाडन ८२० चीपसेट हुनेछ ।

म्याग्नेसियमद्धारा बनाईने यो डिभाइसमा टाईप सी यूएसबी पोर्ट (Type C USB Port) हुनेछ भने थ्रीडी टच लाइक (3D Touch Like) फीचर हुनसक्नेछ ।

यो फोनमा ४ जीबीको र्याम तथा ६४ जीबीको इन्टरनल स्टोरेज रहने अनुमान छ भने यो फोनमार्फत मेमोरी कार्ड स्लट पनि राखिने अनुमान गरिएको छ ।samsung-galaxy s7

त्यस्तै फोनमा २० मेगापिक्सेलको रियर क्यामरा तथा ड्यूल सेन्सर सेटअपका साथमा ८ मेगापिक्सेल र ५ मेगापिक्सेलको फ्रन्ट क्यामरा हुनसक्नेछ ।

कनेक्टिभिटीका लागि यसमा फोरजी एलटिई, वाईफाई ८२०, ब्लूटूथ ४.१ लगायतका अप्शन हुनेछन् । एजेन्सीको सहयोगमा

TK Viber

प्रकाशित: २९ कार्तिक २०७२, आईतवार

Loading...