सामसुंगको टाइजेन स्मार्टफोन जेड थ्री सार्वजनिक, अघिल्लो मोडल जेड वान भन्दा निकै ससक्त

Technology Khabar २८ आश्विन २०७२, बिहीबार

सामसुंगको टाइजेन स्मार्टफोन जेड थ्री सार्वजनिक, अघिल्लो मोडल जेड वान भन्दा निकै ससक्त
Classic Tech

काठमाडौं, २८ असोज । सामसुंगले टाइजेनमा आधारित नयाँ स्मार्टफोन सार्वजनिक गरेको छ । कम्पनीले बजेट फोनको रुपमा नयाँ स्मार्टफोन जेड थ्री सार्वजनिक गरेको हो । सामसुंगले केहि समय अघि आफ्नो पहिलो टाइजेनमा आधारित स्मार्टफोन जेड वान भारतीय बजारमा सार्वजनिक गरेको थियो । यसैलाई निरन्तरता दिँदै कम्पनीले टाइजेन स्मार्टफोन जेड थ्री भारतीय बजारमा सार्वजनिक गरेको छ ।

सामसुंगको नयाँ स्मार्टफोन अनलाइन रिटेलर स्न्यापडीलमा मात्र खरिद गर्न सकिनेछ भने यो फोन २१ अक्टोबरदेखि मात्रै खरिद गर्न सकिन्छ । इन्ट्रि लेभलको स्मार्टफोन जेड वानभन्दा केहि माथिको सेगमेन्टमा यो फोन आएको छ । सामसुंग जेड थ्रीमा करिब करिब ग्यालेक्सी एस थ्रीको जस्तै हार्डवेयर प्रयोग गरिएको हुँदा यो अझ नयाँ र ससक्त भएको छ ।MobilesKhabar_2

सामसुंग जेड थ्री स्मार्टफोनमा ५ इन्चको सूपर एमोलेड डिस्प्ले राखिएको छ, जसको पिक्चर रिजोल्यूशन ७२०ह् १२८० रहेको छ । जेड थ्री स्मार्टफोन टाइजेनको सबैभन्दा नयाँ संस्करण भी २.३ मा संचालन हुन्छ, जसमा अल्ट्रा डाटा सेभिंग मोड रहेको छ, जुन फीचर यसअघि एन्ड्रोयडमा आधारित ग्यालेक्सी जे टूमा पनि रहेको थियो । यो फीचरले स्मार्टफोनको ब्राउजर बाहेकका अधिकांश एप्सको ५० प्रतिशत डाटा बचत गर्नसक्ने कम्पनीको भनाई छ ।

सामसुंग जेड थ्रीमा ग्यालेक्सी एस थ्रीको जस्तै १.३ गीगाहर्जको स्प्रेडट्रम चीपसेटका साथमा क्वाड कोर प्रोसेसर राखिएको छ । त्यसैगरी यसमा १ जीबीको र्याम तथा ८ जीबीको इन्टरनल स्टोरेज राखिएको छ, जसलाई बढाएर १२८ जीबीसम्म पुर्याउन सकिन्छ ।

दुई सिम सपोर्ट गर्ने यो फोनमा ३ करोड भन्दा बढि मिक्स रेडियो ट्रयाक सुन्न सकिन्छ ।

यो फोनमा एलईडी फ्ल्याशसहितको ८ मेगापिक्सेलको रियर क्यामराका साथै ५ मेगापिक्सेलको फ्रन्ट फेसिंग क्यामरा राखिएको छ । यसको फ्रन्ट क्यामराले १२० डिग्रीसम्मको सेल्फी मोडमा फोटो खिच्न सक्दछ ।MobilesKhabar_3

कनेक्टिभीटीका लागि यसमा थ्रीजी, वाईफाई, ब्लूटूथ ४.० भर्सन, जीपीएसलगायतका अप्शन छन् भने २,६०० एमएएचको ब्याट्री राखिएको छ ।

भारतीय बजारमा यो स्मार्टफोनको मूल्य भारु ८, ४९० रुपैंया राखिएको छ, जुन गोल्ड, ब्ल्याक तथा सिल्भर कलर भेरिएन्टमा उपलब्ध हुनेछ । यो फोनको खरिदमा भेडाफोन यूजर्सले दुई महिनाको लागि १ जीबीसम्म थ्रीजी डाटा निशुल्क प्राप्त गर्न सक्नेछन् ।

सामसुंगले विकासोन्मुख मुलुकको बजारलाई ध्यानमा राखेर टाइजेनमा आधारित स्मार्टफोनहरु ल्याएको हो ।

यो फोन कम्पनीले छिटै रसियामा पनि सार्वजनिक हुँदैछ । कम्पनीले मस्कोमा आयोजना हुने सामसुंग इलेक्ट्रोनिक्स इन्टरप्राइज मोबिलिटी फोरममा यो फोन सार्वजनिक गर्ने भएको हो ।

बजेट फोनको रुपमा रहेको यो फोन नेपालमा आउने नआउने बारे केहि जानकारी छैन् । तर यसअघिको मोडल जेड वान नेपालमा आईसकेको हुँदा यो फोन पनि छिटै आउने अनुमान भने गर्न सकिन्छ ।

प्रकाशित: २८ आश्विन २०७२, बिहीबार

Comments are closed.

Loading...