ह्वाट्सएपको वेब भर्सनमा सुरक्षा कमजोरी, ह्याकरले कम्प्यूटर ह्याक गर्न सक्ने

Technology Khabar २८ भाद्र २०७२, सोमबार

ह्वाट्सएपको वेब भर्सनमा सुरक्षा कमजोरी, ह्याकरले कम्प्यूटर ह्याक गर्न सक्ने
Classic Tech

काठमाडौं, २८ भदौ । के तपाई च्याट तथा म्यासेजको लागि ह्वाट्सएप (WhatsApp) प्रयोग गर्नुहुन्छ ? गर्नुहुन्छ भने होसियार तपाईँको डाटा ह्याकरले ह्याक गरेर प्रयोग गर्न सक्दछ । अहिले ह्वाट्सएपले वेब भर्सनको सुविधा आफ्ना यूजर्सलाई उपलब्ध गराएको छ । ह्वाट्सएप प्रयोगकर्ताले आफ्नो स्मार्टफोन र पर्सनल कम्प्यूटरमा भएको ह्वाट्सएपमा विभिन्न फाइलहरु आदान प्रदान गर्ने गर्दछन् ।

ह्वाट्सएप वेबमा एक सेक्यूरिटी बग भेटिएको छ, जसको प्रयोगबाट ह्याकर्सले तपाईँको कम्प्यूटरलाई ह्याक गरेर त्यसलाई टाढाबाट नै आफ्नो ईच्छाअनुसार प्रयोग गर्न सक्दछ । यो बगको सहयोगबाट ह्याकर्स ह्वाट्सएप वेबको माध्यमबाट यूजर्समार्फत निजको कम्प्यूटरमा खतरनाक मालवेयर (Malware) डाउनलोड पनि गराउन सक्दछ । मालवेयर डाउनलोड गराएरपछि आरामले ह्वाट्सएप वेबलाई ह्याक गर्न सक्दछ ।

यो बगको कारणले ह्वाट्सएप वेबका २० लाख भन्दा बढि प्रयोगकर्ताहरुको सुरक्षामा खतरा पुगेको छ । नेपालमा पनि धेरै प्रयोगकर्ताले ह्वाट्सएप  आफ्नो स्मार्टफोनमा तथा पर्सनल कम्प्यूटर तथा ल्यापटपमा डाउनलोड गरेका छन् । ति सबैको पर्सनल डाटा पनि असुरक्षित हुन पुगेको छ ।

सिम्बोलिक तस्विर
सिम्बोलिक तस्विर

र्यान्समवेयर नामक मालवेयरले यूजरको सिस्टम लक गरेर रकम माग गर्दछ, बट्स नामक मालवेयरले यूजरको सिस्टमलाई स्लो गरिदिन्छ र रिमोट टूलको माध्यमबाट ह्याकर्सले यूजरको कम्प्यूटरमा भएका सबै गतिबिधीलाई चोर्न सक्दछ ।

चेक प्वाईन्ट (Check Point) को रिसर्च टीमका अनुसार ह्याकर्सले केहि फाइल पठाएर नै तपाईँको कम्प्यूटर सिस्टमलाई नियन्त्रण गर्न सक्दछ । ह्वाट्सएपको वेब भर्सनले आफ्ना प्रयोगकर्तालाई फाइल,फोटो, भिडियो तथा कन्ट्याक्ट्स पठाउने अप्शन पनि दिन्छ । यसको फाईदा उठाएर ह्याकर्सले ह्वाट्सएप वेबमा भीकार्डको रुपमा खतरनाक मालवेयर पठाउँछन् । यूजरले यो भी कार्डलाई कुनै नम्बर सम्झेर वा अनुमान गरेर डाउनलोड गर्दछन्, किनकी यूजरलाई त्यो मालवेयर कुनै कन्ट्याक्ट जस्तो देखिन्छ । तर यो कन्ट्याक्ट्स खतरनाक मालवेयर रहेको छ । यो मालवेयर यूजरले यसलाई डाउनलोड गर्दछन, तत्कालै ह्याकर्सले तीन मालवेयरको सहयोगबाट कम्प्यूटर ह्याक गर्दछ । एजेन्सीको सहयोगमा

प्रकाशित: २८ भाद्र २०७२, सोमबार

Comments are closed.

Loading...