हुवावेले दुबैतिर घुमेको डिस्प्लेसहितको स्मार्टफोन ल्याउँदै, सामसुंग ग्यालेक्सी एस६ एज जस्तै हुनसक्ने

काठमाडौं ।

काठमाडौं, २४ भदौ । चीनियाँ स्मार्टफोन निर्माता कम्पनी हुवावेले कर्ब्ड स्क्रीन भएका मोबाइल डिभाइस उत्पादन गर्ने कार्यमा जुटेको समाचारहरु बाहिर आएका छन् । चीनमा निकै ससक्त स्थानमा रहेको कम्पनीले विश्व बजारमा आफ्ना उत्पादनहरुको बजार हिस्सा बढाउन कर्ब्ड स्क्रीन भएका मोबाइल डिभाइस ल्याउन लागेको बताईएको छ ।

हुवावेले आगामी वर्ष २के (2K) स्मार्टफोन सार्वजनिक गर्ने तयारी गरेको चर्चा आउन शुरु भएको छ । यो स्मार्टफोनमा दुबैतर्फ घुमाउरो घेरा भएको क्वाड एचडी रिजोल्यूशनको सूपर एमोलेड (Super AMOLED) डिस्प्ले रहनसक्ने बताईएको छ । यो स्मार्टफोनको डिस्प्ले रिजोल्यूशन २५६०X१४४० पिक्सेल हुनेछ ।

हुवावेले महिनाको ३ मिलियन प्यानेलहरु व्यापक मात्रामा उत्पादन गर्ने योजना गरिरहेको बताएको छ । यो आधारमा हेर्दा कम्पनीले एकै महिनामा लाखौं उत्पादनका मोडलहरु तयार गर्नसक्नेछ ।

नयाँ स्क्रीनको डाईग्नल कति हुन्छ भन्ने अझै स्पष्ट छैन्। तर हालै सार्वजनिक भएको हुवावे मेट एसमा भने ५.५ इच्नको १०८० पिक्सेल भएको एमोलेड डिस्प्ले राखिएको छ ।

अर्कोतर्फ हुवावेलाई सूपर एमोलेड डिस्प्ले सामसुंगले उपलब्ध गराउने बताईएको छ, यसका साथै सामसुंगले प्यानेल पनि आपूर्ति गर्ने बताईएको छ । सामसुंगले आफ्ना डिभाइसमा प्रयोग भएका सामाग्रीहरु अन्य प्रतिस्पर्धिलाई आपूर्ति गर्न नहुने भन्ने पक्षमा छैन् । त्यसैले यो हुवावेको स्क्रीन सामसुंगको ग्यालेक्सी एस ६ एज (Samsung Galaxy S6 Edge) मा भएको जस्तै हुनसक्ने संभावना रहेको छ ।

पछिल्ला दिनहरुमा हुवावेले यूरोप तथा उत्तर अमेरिकाको बजारमा आफूलाई ससक्तरुपमा उपस्थित गराउनका लागि नयाँ र सक्षम डिभाइस उत्पादन गर्नुपर्ने आवश्यकता रहेको छ । सोहि आधारमा कम्पनीले यो कदम चालेको अनुमान टेक विश्लेषकहरुले गरेका छन् । एजेन्सीहरु