कार्बनको टाइटेनियम मच वान प्लस सार्वजनिक,

Technology Khabar ३१ असार २०७२, बिहीबार

कार्बनको टाइटेनियम मच वान प्लस सार्वजनिक,
Classic Tech

काठमाडौं, ३० असार । कार्बनले आफ्नो नयाँ स्मार्टफोन बजारमा सार्वजनिक गरेको छ । कम्पनीले यस अघि ल्याएको टाइटेनियम मच वानको नयाँ संस्करण टाइटेनियम मच वान प्लस (Titanium Mach One Plus) भारतमा सार्वजनिक गरेको छ । यो स्मार्टफोन रिटेल स्टोर्स तथा ईकमर्श वेबसाइट्समा खरिद गर्न सकिन्छ ।

कम्पनीले नयाँ फोन लन्च गरेको समयमा नै टाइटेनियम मच वान प्लसमा स्विफ्स की प्याड इन्टिग्रेशन स्विफ्टकी ३.० दिईएको एक मात्र पहिलो स्मार्टफोन भएको दाबी गरेको छ ।Karbonn 3

यो स्मार्टफोनमा २२ वटा भारतीय भाषाहरुमा च्याट गर्ने सुविधा दिईएको छ । कार्बनले भारतभरी ९ सय भन्दा अधिक सर्भिस सेन्टर भएको जानकारी दिएको छ ।

कार्बनको यो नयाँ स्मार्टफोनमा १.३ गीगाहर्जको क्वाड कोर मिडिया टेक प्रोसेसर रहेको छ भने २ जीबीको र्याम राखिएको छ । यो फोनमा १६ जीबीको इन्टर्नल मेमोरी राखिएको छ जसलाई माइक्रो एसडीको सहयोगमा ३२ जीबीसम्म पुर्याउन सकिन्छ ।

कार्बनको यो स्मार्टफोनमा ४.७ इन्चको डिस्प्ले छ, जसको पिक्चर रिजोल्यूशन ७२०X१२८० पिक्सेल रहेको छ । यो फोनमा ८ मेगापिक्सेलको रियर क्यामरा तथा ५ मेगापिक्सेलको फ्रन्ट फेसिंग क्यामरा राखिएको छ ।Karbonn 2

यो स्मार्टफोनमा कम्पनीले अम्याजन, फ्लिपकार्ट, हंगामा म्यूजिक, सावन, ओपेरा, ओएलएक्स तथा क्लीनमाष्टर एप्स शुरुमा नै इन्टल गरिएको छ ।

कार्बन टाटेनियम मच वान प्लसको यो स्मार्टफोन एन्ड्रोयडको ललीपप ५.० भर्सनमा आधारित रहेको छ । बजेट स्मार्टफोनको रुपमा आएको यो स्मार्टफोनको मूल्य भारतमा ६,९९० भारु तोकिएको छ ।

प्रकाशित: ३१ असार २०७२, बिहीबार

Comments are closed.

Loading...