सोनीको ‘लाइभ स्क्रीन स्ट्रीमिंग’ एप, अब स्मार्टफोनमा नै लाइभ गेम खेल्न सकिने

Technology Khabar २५ असार २०७२, शुक्रबार

सोनीको ‘लाइभ स्क्रीन स्ट्रीमिंग’ एप, अब स्मार्टफोनमा नै लाइभ गेम खेल्न सकिने

काठमाडौं, २५ असार । सोनीले आफ्नो स्मार्टफोन प्रयोगकर्ताका लागि नयाँ एन्ड्रोयड एप लन्च गरेको छ । यो एप लाइभ स्ट्रीमिंग गेम्सको समयमा प्रयोगकर्तालाई सहयोगी हुनेछ । सोनीको नयाँ एपको सहयोगमा यूट्यूब तथा ट्विचमा अनलाइन गेम्स खेल्न सकिन्छ ।

सोनीले सार्वजनिक गरेको यो एप सिमित स्मार्टफोन मोडलमा मात्र हालको लागि उपलब्ध गराएको छ ।

सोनीको यो एपको नाम लाइभ स्क्रीन स्ट्रीमिंग Live Screen Streaming रहेको छ । जसलाई सोनी मोबाइल कम्यूनिकेशनले विकास गरेको हो । यो एपलाई विशेष किसिमले डिजाइन गरिएको छ जसले ट्विच तथा यूट्यूबमा पनि यूजर्सलाई गेम्स रेकर्ड गर्नको लागि मद्धत गर्दछ । साथै स्क्रीनमा हुने हरेक कार्यको लाइभ स्ट्रीमिंगको सुविधा उपलब्ध गराउँछ ।

सोनीले हालका लागि यो एप एक्सपेरिया सिरिजको चार सेटका लागि मात्र विकास गरेको छ । यो एपको सुविधा हाल एक्सपेरिया जेड थ्री प्लस, एक्सपेरिया जेड फोर तथा एक्सपेरिया जेड फोर भीमा मात्र प्रयोग गर्न सकिन्छ ।

यसका साथै सोनीको एक्सपेरिया सिरिजको ट्याबलेट जेड फोरमा पनि यो एपको प्रयोग गर्न सकिन्छ ।

सोनीले नयाँ एप यहि जूलाई ७ तारीखदेखि सार्वजनिक गरेको हो । गूगलको प्लेस्टोरमा उपलब्ध हुने यो एपको साइज १३ एमबीको छ, जसको हालको भर्सन २.०.०.ए.२.९ (2.0.0.A.2.9) हो ।

यो एप एन्ड्रोयडको ललीपप ५.० भर्सन तथा त्यो भन्दा नयाँ भर्सनमा मात्र इन्स्टल गर्न सकिन्छ ।

यो एपलाई हालसम्म २० जनाले ४.५ रेटिंग गरेका छन् । यो एप अन्य एन्ड्रोयड प्रयोगकर्ताका लागि कहिले उपलब्ध हुन्छ भन्ने कुनै जानकारी छैन् ।

यो एप डाउनलोड गर्न यहाँ क्लिक गर्नुहोस् ।

प्रकाशित: २५ असार २०७२, शुक्रबार

Comments are closed.

Loading...