वेयरेबल डिभाइसको बजारमा सामसुंग चौथो स्थानमा सिमित, शिओमीको बजार भने बढ्दो

Technology Khabar २१ जेष्ठ २०७२, बिहीबार

वेयरेबल डिभाइसको बजारमा सामसुंग चौथो स्थानमा सिमित, शिओमीको बजार भने बढ्दो
Classic Tech

काठमाडौं, २१ जेठ । विश्वको सबैभन्दा बढि फोन बेच्ने कम्पनीको आधारमा पहिलो स्थानमा रहेको सामसुंग वेयरेबल डिभाइस (लगाउन मिल्ले किसिमका सामाग्री) को मामलामा भने निकै पछि परेको छ । वेयरेबल डिभाइसको बजार अहिले पनि नयाँ नै छ तर यो बजारमा विश्वको प्रमुख माेबाइल भेण्डर सामसुंग भने चौथो स्थानमा रहेको छ ।

यो नयाँ बजारमा चीनियाँ कम्पनी शिओमी (Xiaomi) भने वर्षको पहिलो चौमासीकमा दोस्रो स्थानमा पुग्न सफल भएको छ । शिओमीले आफ्नो विश्व बजार तिब्रगतिमा बढाउँदै वेयरेबल डिभाइस बिक्री र बजारको आधारमा दोस्रो स्थानमा पुग्न सफल भएको ईन्टरनेशनल डाटा कर्पोरेशन (आईडीसी) को पछिल्लो प्रतिवेदनले उल्लेख गरेको छ । सोहि प्रतिवेदनको आधारमा वेयरेबल डिभाइसको बजारमा शिओमी भन्दा अनुभवी सामसुंग अझैपनि वर्षको पहिलो चौमासीकमा चौथो स्थानमा रहेको छ ।

आईडीसीको तथ्यांक प्रतिवेदनअनुसार यो वर्षको पहिलो चौमासीकमा वेयरेबल डिभाइसको बजारमा फीटबीट (Fibit) पहिलो स्थानमा रहेको छ । फीटबीटले पहिलो चौमासीकमा  ३४.२ प्रतिशतको हिस्साका साथमा ३.९ मिलियन यूनिट ढुवानी गरेको छ भने सन् २०१५ को सोहि अवधिमा यो संख्या १.७ मिलियन यूनिट मात्र थियो ।

उता चीनियाँ कम्पनी शिओमीले यो वर्षको पहिलो चौमासीकमा २४.६ प्रतिशत बजार हिस्सा लिँदै २.८ मिलियन यूनिट ढुवानी गरेको छ । अघिल्लो वर्ष कम्पनीको कुनैपनि वेयरेबल डिभाइस सार्वजनिक भएको थिएन ।gear3_1_prod_0

वेयरेबल डिभाइसको बजारमा गार्मीन (Garmin) ६.१ प्रतिशत बजार हिस्सासहित तेस्रो स्थानमा छ भने सामसुंग ५.३ प्रतिशत बजार हिस्सा सहित चौथो स्थानमा रहेको छ । त्यस्तै जाओबोन (Jawbone) ४.४ प्रतिशत सहित पाँचौं स्थानमा रहेको छ भने अन्य कम्पनीहरुको बजार हिस्सा २५.४ प्रतिशत रहेको छ ।

WD pic
आईडीसीको तथ्यांक प्रतिवेदन, जून, २ २०१५

प्रतिवेदनअनुसार यी पाँच कम्पनीले यो वर्षको पहिलो चौमासीकको करिब ७५ प्रतिशत बजार हिस्सा ओगटेका छन् । आईडीसीका अनुसार पेबल (Pebble) तथा सोनी (Sony) नगन्य अंकको आधारमा प्रमुख पाँच कम्पनीमा पर्न असफल भए ।

आईडीसीको यो तथ्यांक एप्पलको आईवाच लन्च गर्नुभन्दाको पहिलेको हो । आईडीसीले यो वर्ष वेयरेबल डिभाइसको शिपमेन्टमा दुई सय प्रतिशतले वृद्धि हुने अनुमान पनि गरेको छ । विशेषगरी एप्पलले अप्रिलमा लन्च गरेको वेयरेबल डिभाईसले गर्दा बजार बढ्ने तथा ग्राहकहरुमा चेतना वृद्धि हुने अपेक्षा गरिएपनि कति प्रतिशतले बजारमा वृद्धि हुन्न भन्ने स्पष्ट छैन् ।

यो वेयरेबल डिभाइसको स्थानमा सबै कम्पनीहरु पछिसम्म पनि सोहि स्थानमा रहनेछन भने कुनै अपेक्षा गर्न सकिँदैन् किनकी यसको बजार नयाँ भएको र कुनैपनि नयाँ कम्पनीले द्रूतरुपमा आफ्नो नयाँ डिभाइस ल्याएर बजार लिनसक्नेछ ।

गत वर्ष चीनियाँ कम्पनी शिओमी यो सूचीमा थिएन् किनकी यसको पहिलो र निकै सस्तो वेयरेबल डिभाइस एमआई ब्याण्ड (Mi Band) त्यसबेलासम्म सार्वजनिक भएको थिए । तर अहिले कम्पनीले एशिया, अमेरिका, बेलायत, फ्रान्स र जर्मनीलगायतका मुलुकमा भएका आफ्ना स्टोरहरुमा १४.९९ अमेरिकी डलर पर्ने एमआई ब्याण्ड खरिद गर्न सकिने व्यवस्था गरेको छ ।

यो वर्षको पहिलो चौमासीकमा कुल ११.४ मिलियन यूनिट डिभाइस शिपमेन्ट भएका थिए तर अघिल्लो वर्ष सोहि अवधिमा ३.४ मिलियन डिभाइस मात्र शिपमेन्ट भएका थिए ।

प्रकाशित: २१ जेष्ठ २०७२, बिहीबार

Comments are closed.

Loading...