अपटेड समाचार

जोलोको नयाँ ब्राण्डको स्मार्टफोन आउँदै, ब्ल्याक ब्राण्डमा दुई वटा रियर क्यामरा

काठमाडौं, १८ जेठ । भारतीय स्मार्टफोन निर्माता कम्पनी जोलोले भारतमा आफ्नो छुटै नयाँ ब्राण्ड (Sub brand) मा स्मार्टफोन लन्च गर्ने तयारी गरेको छ । कम्पनीले भारतीय बजारमा अनलाईन सपिंगको माध्यमबाट मात्र उपलब्ध गराउने गरी ब्ल्याक(Black) ब्राण्डमा स्मार्टफोन ल्याउने तयारी गरेको हो ।

टेक साइट जीएसएमएरेनाका अनुसार जोलोको सब ब्राण्डमा आउने स्मार्टफोन जून महिनाको अन्त्यतीर अनलाईन रिटेलरहरुद्धारा सार्वजनिक गरिनेछ ।

कम्पनीले ब्ल्याक ब्राण्डमा पहिलो फोन सार्वजनिक गर्ने तयारी गरिरहेको छ । जुन स्मार्टफोनमा दुईवटा रियर क्यामरा रहनेछ । यस्तो दुई क्यामरा हुने स्मार्टफोनको श्रेणीमा यो पहिलो फोन हुने बताईएको छ ।

यो स्मार्टफोनमा एलटीई सपोर्ट गर्नेछ भने जोलोको आफ्नै नयाँ हाईभ १.५ यूआई (HIVE 1.5 UI) प्रयोग हुनेछ । जोलोको ब्ल्याक ब्राण्डमा आउने नयाँ फोनमा एन्ड्रोयडको ललीपप ५.० भर्सन रहनेछ ।

ब्ल्याक ब्राण्डको स्मार्टफोनको मूल्य भारतमा करिब २ सय ३५ अमेरिकी डलर अर्थात १५ हजार भारु रहनेछ ।