गूगलको नयाँ अपरेटिंग सिष्टम ‘एन्ड्रोयड एम’को घोषणा, यस्ता छन् सुविधाहरु

Technology Khabar १७ जेष्ठ २०७२, आईतवार

गूगलको नयाँ अपरेटिंग सिष्टम ‘एन्ड्रोयड एम’को घोषणा, यस्ता छन् सुविधाहरु
Classic Tech

काठमाडौं, १७ जेठ । गूगलले आफ्नो वार्षिक कन्फ्रेन्स गूगल आई/ओ डेभलपर कन्फ्रेन्स (Google I/O Developer Conference) मा एन्ड्रोयडको पछिल्लो भर्सन ‘एन्ड्रोयड एम'(Android ‘M’) को घोषणा गरेको छ । कम्पनीको ‘एन्ड्रोयड एम’को प्रील रिलीज भर्सन पनि शुक्रबार सार्वजनिक भएको छ ।

गूगलको नयाँ अपरेटिंग सिष्टम ‘एन्ड्रोयड एम’ सन् २०१५ को अन्त्यसम्म फुल भर्सनमा उपलब्ध हुने अनुमान गरिएको छ ।android-m_2_1432881673गूगल सर्च, गूगल म्याप, गूगल प्लस, कमर्श, एडर्भटाईजिंग तथा इन्फ्रास्ट्रक्चरका हेड सुन्दर पिचाईका अनुसार यो नयाँ अपरेटिंग सिष्टम एन्ड्रोयड एममा यसको आकर्षकपनाका साथै यसको गुणस्तरमा पनि जोड दिईएको छ । यसलाई पहिलेको अपरेटिंग सिष्टमभन्दा ज्यादा स्थिर तथा यूजर फ्रेन्डली बनाईएको छ ।

गत साल पनि गूगलले आफ्नो वार्षिक कन्फ्रेन्समा एन्ड्रोय एल लन्च गरेको थियो । एन्ड्रोयड एललाई एन्ड्रोयड ललीपप नाम दिईएको थियो । तर अपरेटिंग सिष्टम एन्ड्रोयड एमलाई अहिलेसम्म कुनैपनि कोड नेम दिईएको छैन् । नयाँ अपरेटिंग सिष्टम केबल गूगल नेक्सस ५, ६ तथा गूगल नेक्सस ९ मा मात्रै उपलब्ध हुने कम्पनीले बताएको छ ।

गूगलले एन्ड्रोयड एमको पुरा नाम सार्वजनिक गरेको छैन् तर विश्लेषकहरुले भने विभिन्न अनुमान गरिरहेका छन् । यसमध्ये एन्ड्रोयड मफीन, एन्ड्रोयड मकारुन अथवा मडपाई, मर्जीपान, मिलकशेक आदि नामहरु अगाडि आएका छन् ।google-trinh-lang-android-mएन्ड्रोयड पे(Android Pay)

गूगलले एन्ड्रोयड एमका साथमा मोबाइल पेमेन्टको क्षेत्रमा एन्डो्रयड पे लन्च गरेको छ । यो एप हेर्दा एप्पल पेको नक्कल जस्तो लागेपनि केहि फरक छ । गूगलको एन्ड्रोयड पेले पनि एप्पलको जस्तै एनएफसीको माध्यमबाट काम गर्दछ । यसको अर्थ एनएफसीमा आधारित भएर काम गर्ने सबै पोर्टलहरुमा एन्ड्रोयड पेले काम गर्दछ । एन्ड्रोयड पेको माध्यमबाट मोबाइल पेमेन्ट्स हुन सक्नेछ । यसको अगाडि गूगलकै गूगल वालेट निकै कमजोर देखिनेछ ।

यो एन्ड्रोयड किटक्याट ४.४ अथवा त्यसभन्दा माथिको अपरेटिंग सिष्टममा आधारित कुनैपनि डिभाइसमा काम गर्दछ । यो एक प्लेटफर्म हो जहाँ यूजर्सले एपको माध्यमबाट रिटेल स्टोरमा किनमेल गर्न सक्नेछन् । यो नयाँ फीचरद्धारा अमेरिकामा मात्रै सात लाख स्टोर्समा किनमेल गर्न सकिनेछ ।Android Payयूएसबी सी पोर्टस्( USB C Ports)

एप्पल म्याकबुकमा यूएसबी सी पोर्ट आएपछि गूगलले पनि एन्ड्रोयड एमसँगै यूएसबी सी टाइप पोर्टको सपोर्ट फीचर ल्याएको छ । यूएसबी सी टाइप पोर्टस् दुबै तर्फबाट एक जस्तै हुन्छन् । यस्तो पोर्टमा कुनै पनि कुनाबाट केबल लगाउन सहज हुनेछ । यो सुविधा हालका लागि नेक्सस फोन सबैभन्दा पहिलो फोन हो जसको खरिदसँगै यो पोटर्स उपलब्ध हुन्छ ।Android-M-sound-profiles-1ब्याट्री बचत(Battery Life)

गूगलले प्रोजेक्ट भोल्टाको आधारमा यो पटक एन्ड्रोयडको ब्याट्रीलाई अझै सुधार गरेको छ । कम्पनीको दाबी अनुसार यो पटक ब्याट्रीको उपभोगमा निकै सुधार भएको छ भने ब्याट्रीको लाईफ पनि बढ्नेछ । मल्टीटास्किंगपछि पनि ब्याट्रीको पावर कम हुनेछैन् । यसका साथै फास्ट चार्जिंग तथा एप्सद्धारा ब्याट्रीको खर्च गर्ने समस्यामा कमी आउनेछ ।androidM_2-5-590x393गूगल नाउ(Google Now)

गूगल नाउलाई कम्पनीले थप सुधार गर्दै अझै आकर्षक बनाएको छ । गूगल नाउले अब प्रयोगकर्ताको विभिन्न प्रश्नहरुको पनि उत्तर दिनेछ । गूगल नाउ होमपेजमा ट्याप गरेर एक्टिभेट हुनेछ । यसका साथै गूगल नाउमा सिधै फोटो अपलोड गरेर पनि काम गर्न सकिन्छ ।

प्रकाशित: १७ जेष्ठ २०७२, आईतवार

Comments are closed.

Loading...