माइक्रोम्याक्स ट्याब पी६६६ बजारमा, नेपाली बजारमा इन्टेल एटोम प्रोसेसर भएको पहिलो ट्याब

Technology Khabar २० चैत्र २०७१, शुक्रबार

माइक्रोम्याक्स ट्याब पी६६६ बजारमा, नेपाली बजारमा इन्टेल एटोम प्रोसेसर भएको पहिलो ट्याब
Classic Tech

काठमाडौँ, २० चैत । माइक्रोम्याक्सले नेपाली ग्राहकहरुका लागि नयाँ ट्याब माइक्रोम्याक्स ट्याब पी६६६ बजारमा उपलब्ध गराएको छ । भारतमा उत्पादन भएको सो ट्याब आफनो क्लासको सबैभन्दा किफायती मध्येमा पर्ने कम्पनीको दाबी छ ।

माइक्रोम्याक्सले प्रस्तुत गरको नयाँ ट्याबमा ८ इन्चको मल्टिटच डिस्प्ले रहेकोको छ जसको रिजोल्यूशन ८००X१२८० छ जसले उत्कृष्ट पिक्चर क्ल्यारिटी प्रस्तुत गर्दछ ।

माइक्रोसफ्ट ट्याब पि ६६६ मा भएको १.२ गीगाहर्जको इन्टेल एटोम प्रोसेसरले सबै एप्लिकेसनहरु पहिले भन्दा छिटो र सरल रुपमा चल्छन् । साथै यसमा इन्टरनेट पनि ज्यादै छिटो चल्ने कम्पनीले दाबी गरेको छ ।

यसमा अटोफोकस भएको ५ मेगापिक्सेलको रियर क्यामरा रहेको छ । यसका साथै माइक्रोम्याक्स ट्याब पी६६६ पिक्चर क्वालिटी राम्रो भएकाले भिडियो खिच्नका लागि पनि यो उपयुक्त छ । साथै सेल्फी र वेफी खिच्न मन पराउने ग्राहकहरुका लागि यसमा २ मेगापिक्सेलको फ्रन्ट क्यामरा पनि रहेको छ ।

एन्ड्रोयडको किटक्याट ४.४ भर्सनमा आधारित माइक्रोम्याक्सको नयाँ ट्याबमा धेरै भेराइटीका एप्लिकेसनहरु डाउनलोड गर्न सकिन्छ । यस ट्याबमा १ जीबीको र्यामपनि रहेको छ जसले यस उपकरणको प्रोसेसलाई झनै छिटो बनाउँछ ।

सिम कार्ड प्रयोग गर्न सकिने यो ट्याबमा थ्रीजी तथा वाईफाई सजिलोसँग चलाउन सकिन्छ । नयाँ ट्याबलमा ८ जीबीको आन्तरिक स्टोरेज क्षमता छ जसलाई एसडी कार्डको माध्यमबाट ३२ जीबीसम्म बढाउन सकिन्छ । यस ट्याबमा ४४०० एमएएचको ब्याट्रि छ, जसले एकै पटकको चार्जबाट ३२५ घण्टा सम्मको स्ट्याण्डबाई दिन्छ । माइक्रोम्याक्सको ट्याब पी ६६६ को बजार मूल्य १९ हजार ४ सय ७० रुपैंया तोकिएको छ ।

प्रकाशित: २० चैत्र २०७१, शुक्रबार

Comments are closed.

Loading...