सामसुंगले ग्यालेक्सी एस६ तथा एस६ एज भारतमा नै उत्पादन गर्ने

Technology Khabar १२ चैत्र २०७१, बिहीबार

सामसुंगले ग्यालेक्सी एस६ तथा एस६ एज भारतमा नै उत्पादन गर्ने
Classic Tech
Nepal Telecom

काठमाडौं, १२ चैत । कोरियाली फोन मेकर कम्पनी सामसुंगले केहि दिन अघि भारतमा आफ्नो फ्ल्यागशिप स्मार्टफोन ग्यालेक्सी एस ६ र एस ६ एज सार्वजनिक गर्यो । यी दुवै स्मार्टफोनहरु भारतमा आगामी महिना अप्रिलको १० तारीखदेखि भारतीय बजारमा खरिद गर्न सकिनेछ ।

सामसुंगले भारतमा नयाँ स्मार्टफोन सार्वजनिक गर्नुका साथै एउटा महत्वपूर्ण घोषणा पनि गरेको छ । विभिन्न भारतीय संचारमाध्यमका अनुसार सामसुंगले आफ्नो दुवै फ्ल्याशिप फोनको उत्पादन भारतमा गर्ने घोषणा गरेको हो ।

कम्पनीले भारतको नोएडा शहरमा ग्यालेक्सी एस ६ र एस ६ एज उत्पादन गर्ने भएको हो । भारतका लागि सामसुंगको मोबाइल आईटी चीप असिम वारसीले भने, ‘करिब दुई महिनामा यो म्यानूफ्याक्चर प्लान्ट शुरु हुने अपेक्षा गरेका छौं । यो फोन अधिकमात्रामा घरेलू प्रयोगका लागि नै बनाईनेछ ।’

सामसुंगको नयाँ स्मार्टफोन ग्यालेक्सी एस६ तथा एस ६ एज विश्व बजारमा अप्रिल १० तारिखदेखि खरिदका लागि उपलब्ध हुनेछ  । यो स्मार्टफोन ३२ जीबी, ६४ जीबी र १२८ जीबीमा उपलब्ध रहेका छन् । एजेन्सी ।

TK Viber

प्रकाशित: १२ चैत्र २०७१, बिहीबार

Loading...