Technology Khabar १ चैत्र २०७१, आईतवार
काठमाडौं ।
काठमाडौं, १ चैत । अमेरिकी कम्पनी ब्ल्याकबेरीले शनिवार उच्च सुरक्षा प्रविधियुक्त ट्याबलेट लन्च गर्ने घोषणा गरेको छ । ब्ल्याकबेरीले सुरक्षित मोबाइल डिभाइसको श्रेणीलाई विस्तार गर्दै उच्च सुरक्षा ट्याब ल्याउने घोषणा गरेको हो । कम्पनीले उक्त ट्याबलेट इन्टरनेशनल बिजनेस मसिन (आईबीएम) तथा सामसुंग इलेक्ट्रोनिक्स कम्पनीसँगको सहकार्यमा ल्याउन लागेको हो ।
कम्पनीले ल्याउन लागेको सेक्यूट्याबलेट (SecuTABLET) सामसुंगको ग्यालेक्सी ट्याब एस१०.५ (Galaxy Tab S10.5) मा आधारित हुनेछ । यसमा उच्च ग्रेडको सेक्यूरिटी कम्यूनिकेशन्स सुईट रहनेछ जुन सेक्यूस्मार्ट (Secusmart) द्धारा निर्माण गरिएको हो । सेक्यूस्मार्ट यूनिटलाई ब्ल्याकबेरीले गत वर्ष खरिद गरेको थियो ।
सेक्यूट्याब सामान्य उपभोक्ताको लागि भने उपलब्ध हुनेछैन् । यो ट्याबलेट बिक्रीका लागि राष्ट्यि तथा अन्तर्राष्ट्रिय सार्वजनिक क्षेत्रका बजार तथा व्यवसायहरुको लागि लक्षित गरिएको छ । यसले व्यक्तिगत प्रयोगमा आईरहेका लोकप्रिय सामाजिक नेटवर्किंग तथा इन्टान्ट म्यासेजिंग एप्सहरु फेसबुक, ह्वाट्सएप, ट्विटरहरुलाई पनि समाहित गरेको छ ।
सेक्यूरट्याबलेटका लागि आईबीएमले सेक्यूर एपको सुविधा उपलब्ध गराउनेछ ।
नयाँ डिभाइस जर्मन फेडेरल अफिस फर इन्फर्मेशन सेक्यूरिटि फर सेक्यूर रेटिंगद्धारा प्रमाणित गरिने कम्पनीले जारी गरेको स्टेटमेन्टमा उल्लेखछ । नयाँ ट्याबलेटले सेक्यूस्मार्ट सेक्यूरिटि कार्डको सुरक्षा प्रविधि जत्तिकै प्रविधि प्रयोग गर्ने बताईएको छ ।
नयाँ ट्याब छिटै आउने बताईएपनि कहिलेसम्म आउँछ भन्ने कुनै जानकारी दिईएको छैन् ।
प्रकाशित: १ चैत्र २०७१, आईतवार