एप्पलले विभिन्न श्रेणीको घडी ल्यायो, मूल्य १७ हजार अमेरिकी डलरसम्म

Technology Khabar २६ फाल्गुन २०७१, मंगलवार

एप्पलले विभिन्न श्रेणीको घडी ल्यायो, मूल्य १७ हजार अमेरिकी डलरसम्म

काठमाडौं, २६ फागुन । अमेरिकी टेक्नोलोजि कम्पनी एप्पलले सोमबार आफ्नो नयाँ घडी सार्वजनिक गरेको छ । यो स्मार्टवाच आफैंमा एक स्मार्टफोन जस्तो रहेको छ । यो स्मार्टवाच डिजिटल टच नामक नयाँ प्रविधिमा आधारित रहेको छ ।1

यो स्मार्टवाच एप्पलको आफ्नो अपरेटिंग सिष्टम आईओएस ८.२ मा आधारित रहेको छ । यो स्मार्टवाचमा एप्पल वाच स्टोरबाट एप्स् खरिद गर्ने अनुमति दिईएको छ । यो हेर्दा निकै आकर्षक र आधुनिक घडि जस्तै देखिएपनि यसको उपयोग अनेक किसिमले गर्न सकिन्छ ।6

एप्पल वाच आगमी अप्रिल २४ तारिखदेखि अमेरिका, बेलायत, अस्ट्रेलिया, क्यानाडा, चीन, फ्रान्स, जर्मनी, हंगकंग, जापानमा पहिलो चरणमा बिक्रीका लागि उपलब्ध हुनेछ । कम्पनीले स्मार्टवाचको तीन वटा संस्करणहरु सार्वजनिक गरेको छ भने यो दुईवटा साइज ३८ मिलिमीटर र ४२ मिलिमीटरमा उपलबध हुनेछ । 2

कम्पनीले एप्पल वाच स्पोर्ट नाम दिएको घडीको बजार मूल्य ३ सय ४९ तथा ३ सय ९९ अमेरिकी डलर तोकेको छ । त्यस्तै क्लासिक भर्सनको ३८ मिमीको एप्पल वाचको मूल्य ५ सय ४९ डलरदेखि १ हजार ९९ डलरसम्म रहेको छ । यसमा स्टीलनेस स्टील बडी रहेको छ जसको हातमा बाँध्ने फित्ता (ब्याण्ड) को आधारमा मूल्य फरक तोकिएको हो ।7
निकै शौखिन खरिदकर्ताहरुको लागि एप्पलले १८ क्यारेटको सुनजडित ३८ मिमीको एप्पल वाच एडिशन १० हजार डलरमा उपलब्ध हुनेछ भने ४२ मिमीको मूल्य १७ हजार अमेरिकी डलर तोकिएको छ ।

एप्पलको वाच स्पोर्ट विशेष किसिमको आल्मुनियम एलोएद्धारा निर्मित रहेको छ जुन सामान्य एलोएभन्दा ६० प्रतिशत कडा तर स्टील भन्दा हलुका रहेको छ ।

कम्पनीले स्मार्टवाचमा सबै किसिमका मेल, टेक्स्टलगायतका विषयहरु हेर्न सकिने दाबी गरेको छ । यो एप्पल वाचद्धारा फोन गर्न पनि सकिनेछ । यसमा हेल्थ सेन्सर राखिएको छ जसले प्रयोगकर्ताको स्वास्थ्यको बारेमा जानकारी दिन्छ । यसमा अन्य कयौं सेन्सरहरु तथा सुविधा पनि उपलब्ध रहेका छन् ।4

यो स्मार्टवाच सिल्भर तथा स्पेस ग्रे कलरमा उपलब्ध छ भने यसमा रेटिना डिस्प्ले पनि रहेको छ ।

खरिदकर्ताहरुले दुई सामान्य भर्सनका एप्पल वाच एप्पलको अधिकांश रिटेल स्टोरमा प्रयोगको अनुभव गर्न सक्नेछन् भने सिमित संस्करणको वाच तोकिएका स्टोरहरुमा मात्र उपलब्ध हुने कम्पनीले जानकारी दिएको छ । यो वाच अप्रिलको १० तारिखदेखि प्रि अर्डर दिन सकिनेछ ।

यस्ता छन् महंगा श्रेणीका घडीहरु

एप्पलले विभिन्न सस्तादेखि महंगा संस्करणका घडिहरुको बिक्री शुरु भएको घोषणा गरेको छ । आगामी अप्रिल२४ तारिखदेखि खरिद गर्न सकिने घडीहरुमध्ये महंगा घडीहरुलाई कम्पनीले एप्पल वाच एडिशन नाम दिएको छ र यी घडीहरु सिमित संख्यामा मात्र उपलब्ध हुनेछन् ।09-09-14-19

कम्पनीको यो श्रेणीको सबैभन्दा महंगो घडी १७ हजार अमेरिकी डलरसम्मको छ जुन ३८ मिलिमीटरको १८ क्यारेटको एल्लो गोल्ड राखिएको छ । यसमा ब्राईट रेड मोर्डन बक्कल तथा ३८ मिमीको १८ क्यारेट रोज गोल्डमा रोज ग्रे मोर्डन बक्कल राखिएको छ ।Apple-Watch-Edition-logo

कम्पनीले यो संस्करणमा जम्मा ८ वटा मोडलका घडीहरु ल्याएको हो जसको मूल्य १० हजार अमेरिकी डलरदेखि १५ हजार अमेरिकी डलरसम्म तोकिएको छ ।

१० हजार अमेरिकी डलर- ३८ मिमी, १८ क्यारेट रोज गोल्ड, ह्वाईट स्पोर्ट ब्याण्ड
१२ हजार अमेरिकी डलर- ४२ मिमी, १८ क्यारेट रोज गोल्ड, ह्वाईट स्पोर्ट ब्याण्ड
१० हजार अमेरिकी डलर- ३८ मिमी, १८ क्यारेट एल्लो गोल्ड, ब्ल्याक स्पोर्ट ब्याण्ड
१० हजार अमेरिकी डलर- ४२ मिमी, १८ क्यारेट एल्लो गोल्ड, ब्ल्याक स्पोर्ट ब्याण्ड
१५ हजार अमेरिकी डलर- ४२ मिमी, १८ क्यारेट एल्लो गोल्ड, ब्ल्याक क्यासिक बक्कल
१५ हजार अमेरिकी डलर- ४२ मिमी, १८ क्यारेट एल्लो गोल्ड, मिडनाईट ब्लू क्यासिक बक्कल

एजेन्सी

प्रकाशित: २६ फाल्गुन २०७१, मंगलवार

Comments are closed.

Loading...