सिटिसी मोबाइल बजार संचालनमा, पुजा अर्चनासहित कारोबार सुरु

Technology Khabar २८ माघ २०७१, बुधबार

सिटिसी मोबाइल बजार संचालनमा, पुजा अर्चनासहित कारोबार सुरु
फाईल फोटोः मोबाइल्स् खबर डटकम

काठमाडौं ।

काठमाडौं, २८ माघ । सुन्धारास्थित सिटिसी मलमा स्थापना भएको सिटिसी मोबाइल बजार मंगलबारबाट औपचारिक रुपमा संचालनमा आएको छ । १८ जना ब्राम्मणहरुद्धारा लघु रुद्री तथा बास्तु पुजन गरेपछि बजार संचालनमा आएको हो ।

मोबाइल बजारअन्तर्गत चौथो तल्लाका लगभग सबै पसल संचालनमा आएका छन् भने बजारको पाँचौ तल्लामा बिभिन्न १७ मोबाइल कम्पनीहरुले सर्भिस सेन्टर निर्माण गरिरहेको मोबाइल बजारद्धारा जारी प्रेस विज्ञप्तिमा उल्लेख छ ।13

सो मोबाइल बजारमा १ हजार रुपैयाँ देखि १ लाख रुपैयाँसम्म मूल्य भएका नेपालमा उपलब्ध सबै कम्पनीका मोबाइल सेटहरु बिक्री बितरण भइरहेको सिटिसी मोबाइल बजारका अध्यक्ष सन्दिप मान श्रेष्ठले बताए । मलको चौथो तल्लामा ब्राण्डेड मोबाइल पसल तथा मोबाइल केयर संचालनमा आइसकेका छन् ।10

केहि दिन भित्रै ग्राण्ड ओपनिङ सहित भब्य मोबाइल मेला गर्न लागेको र तयारी अन्तिम चरणमा पुगेको बजारका महासचिब केशब राज लुइटेलले बताए । २२ जना प्रबद्र्धक रहेको बजारको तेस्रो तल्लामा गोलाप्रथाद्धारा स्टल बितरण गरिसकिएको जानकारी दिंदै सचिब आबिस्कारलाल श्रेष्ठले केहि दिनभित्रै तेस्रो तल्ला पनि संचालनमा ल्याउने बताए ।

२ दर्जन बढि पसलले बजारमा कारोबार सुरु गरिसकेको र बुधबारबाट प्राय सबै पसल संचालनमा आएको बताईएको छ । पार्किङको सुबिधा, २४ सै घण्टा लिफ्टको सुबिधा भएको उक्त बजारमा एकै छानामा १ सय भन्दा बढि मोबाइल पसल तथा १७ भन्दा बढि सर्भिस सेन्टर रहने बजारका प्रबद्र्धकहरुले जानकारी दिए । बजारभित्र विभिन्न कम्पनीका नाममा करिब २ दर्जन पसलहरु संचालन भइसकेको बजारले जनाएको छ ।

easy care

प्रकाशित: २८ माघ २०७१, बुधबार