मोबाइल फुटसलको उपाधी पाको युथ क्लबलाई

काठमाडौं ।

काठमाडौं, १३ पुस । प्रथम मोबाइल फुटसलको उपाधी पाको युथ क्लबले लान सफल भएको छ । मोबाइल फुटसलको फाइनलमा सिटिसी मोबाइल बजारलाई ७—४ गोल अन्तरले पराजित गरेको हो ।

जितसँगै पाको युथ क्लबले ५० हजार नगद सहित शील्ड तथा प्रमाणपत्र प्राप्त गरेको आयोजकले जनाएको छ । दोस्रोस्थान हात पारेको सिटिसी मोबाइल बजारले नगद २५ हजार पाएको थियो । विजयी खेलाडी तथा टिमहरुलाई इन्ट्रिग्रेटेड मोबिलिटी सोलुसन्स (आइएमएस) का अध्यक्ष दिपक मलहोत्राले नगद शील्ड तथा प्रमाणपत्र बितरण गरेका थिए । सिटिसी मोबाइल बजारले एलाइड ट्रेड लिंकलाई पराजित गर्दै फाइनलमा प्रबेश गरेको थियो भने बिजयी पाको युथ क्लबले कृष्ण मोबाइललाई पराजित गर्दै फाइनलको यात्रा तय गरेको थियो ।

मोबाइल कम्पनी तथा मोबाइल ब्यबशायमा लागेकाहरुका वीच सम्बन्ध बिस्तार गर्ने उद्देश्यले संचालन गरिएको फुटसलमा १४ वटा मोबाइल कम्प्नीको  सहभागिता रहेको प्रेस विज्ञप्तिमार्फत जनाएको छ ।

मंसिर २० गतेबाट शुरु भएको यो प्रतियोगिता ठमेलस्थित फुस्टल एरेनामा संचालन भएको थियो । ८५  हजार कुल पुरस्कार राशी रहेको यो प्रतियोगितालाई लाभा, हुआवे, माइक्रोम्याक्स, डिटिसी, बिक्यू, कलर्स, भर्जिन मोबाइल, सिटिभी मोबाइल र फेशन ८८ ले प्रायोजन गरेका थिए ।