Technology Khabar १४ मंसिर २०७१, आईतवार
काठमाडौं ।
काठमाडौं, १४ मंसिर । सेल्फी फोकस स्मार्टफोन मन पराउने तर महंगो पैसा तिर्न नसक्ने उपभोक्ताहरुलाई ध्यानमा राखेर जोलोले नयाँ स्मार्टफोन सार्वजनिक गरेको छ । भारतीय स्मार्टफोन निर्माता कम्पनी जोलो (Xolo) ले बजेट रेन्जमा आउने सेल्फी फोकस स्मार्टफोन ओपस सीरीजमा ओपस ३ (Opus 3) सार्वजनिक गरेको हो । जोलोले यो फोन विशेषगरी सेल्फी खिच्न मनपराउनेहरुलाई ध्यानमा राखेर डिजाइन गरेको जनाएको छ ।
यो स्मार्टफोनमा ५ मेगापिक्सलको फ्रन्ट क्यामरा राखिएको छ, जसमा ८८ डिग्रीको वाइड एंगल लेन्स लगाईएको कम्पनीले जानकारी दिएको छ ।
यो फोनमा ८ मेगापिक्सलको रियर क्यामरा राखिएको छ भने ५ इन्चको डिस्प्ले पनि रहेको छ ।
बजेट स्मार्टफोनको रुपमा जोलोले ओपस ३ को बजार मूल्य ८ हजार ४ सय ९९ भारतिय रुपैंया तोकेको छ ।
भारतीय बजारमा उपलब्ध भइसकेको यो फोन नेपालमा कहिले आउँछ भन्ने जानकारी छैन । नेपालमा यो फोन सिजी इम्पेक्सले आयात तथा बिक्री बितरण गर्दै आएको छ ।
यस्तो छ जोलोको ओपस ३ स्मार्टफोनको विशेषताहरुः-
प्रकाशित: १४ मंसिर २०७१, आईतवार
