सामसुंग ग्यालेक्सी नोट ४ नेपालमा, मुल्य ८५, ९०० रुपैया मात्रै, भारतमा भन्दा ७ हजार सस्तो

Technology Khabar ३१ आश्विन २०७१, शुक्रबार

काठमाडौं ।

काठमाडौं, ३१ असोज । सामसुंग मोबाइलका नेपालका लागी आधिकारीक बितरक आईएमएसले नेपालमा सामसंग ग्यालेक्सी नोट ४ भित्र्याएको छ । कम्पनीले शुक्रबार काठमाडौंमा एक विशेष कार्यक्रम आयोजना गरि उक्त फोन नेपाली बजारमा सार्वजनिक गरेको हो । कम्पनीले सामसंग ग्यालेक्सी नोट फोरकासाथै सामसंग एस गियर पनि सार्वजनिक गरेको छ ।

कार्यक्रममा आईएमएसका प्रेसिडेन्ट दिकेश मलहोत्रा, सामसंगका निर्देशक युवेम वन र पूर्व मिस नेपाल सदिक्षा श्रेष्ठले ग्यालेक्सी नोट फोर सार्वजनिक गरेका थिए ।

आईएमएसले सामसंग ग्यालेक्सी नोट फोरको बजार मुल्य ८५ हजार ९ सय रुपैंया तोकेको कार्यक्रममा जानकारी दिएको छ । यो मुल्य भारतीय बजार मुल्यको आधारमा हेर्दा करिब ७ हजार रुपैंया सस्तो हो । भारतमा यो फोनको बजार मुल्य ५८ हजार ३ सय भारतीय रुपैंया तोकिएको भारतीय संचारमाध्यमले जनाएका छन् ।

नेपालमा यो फोन ३ कलरमा मात्रै उपलब्ध रहेका छन् । फ्रष्ट ह्वाइट, चारकोल ब्ल्याक र ब्रोन्ज गोल्ड रंगहरुमा नेपाली बजारमा किन्न सकिने कम्पनीले जानकारी दिएको छ ।

त्यसैगरी कम्पनीले नोट ४ १५ महिने इएमआईमा पनि बिक्री गर्ने जानकारी दिएको छ । नोट ४ को खरिदमा ग्राहकहरुले ६ जीबी एनसेल डाटा निशुल्क पाउने बताईएको छ । सामसंगका ब्राण्डशपमा ग्राहकहरुले पुरानो स्मार्टफोनसँग नोट ४ साट्न सक्ने सुविधा पनि उपलब्ध रहेको छ ।

यो फोन सामसुंगले ग्यालेक्सी नोट ४ सबैभन्दा पहिले भारतमा सार्वजनिक गरेको थियो । भारतभरीका रिटेल स्टोरमा पनि अक्टोवर १७ तारिखदेखि मात्रै ग्यालेक्सी नोट ४ उपलब्ध हुने भएको छ । यसका साथै कम्पनीले नोट ४ का साथै स्मार्टवाच गियर एस पनि सार्वजनिक गरेको थियो ।

चौथो पीढीको यो फोन अमेरिकामा १७ अक्टोबरमा सार्वजनिक गरिने छ । भारतमा यसको बजार मूल्य भारतीय रुपैयाँ ५८ हजार ३ सय तोकिएको छ भने स्मार्टवाच गियर एसको बजार मूल्य २८ हजार ९ सय भारतीय रुपैयाँ छ ।

यो हेडसेट केहि समय अघि बर्लिनको आइएफए टेक शोमा प्रदर्शन गरीएको थियो ।

सामसुंगको यो फोनमा ५.७ इन्चको स्क्रीन रहेको छ । यसमा दुई प्रोसेसर लगाएको छ, एउटा स्न्यापड्रागन २.७ क्वाडकोर प्रोसेसर तथा अर्को १.९ गिगाहर्जको इक्सनोस प्रोसेसर छ । यसका साथै यस फोनमा १६ मेगापिक्सल क्यामेरा ३‍.७ मेगापिक्सल फ्रन्ट क्यामेरा उपलब्ध छ । यो फोन चार रंगमा उपलब्ध छ भने यो फोन भारतमा अनलाइनमा खरिद गर्न पाइने छैन् ।

ग्यालेक्सी नोट ४ को मूख्य विशेषतामा Wefie अर्थात वाइड सेल्फी फीचर रहेकोछ । यसको माध्यमबाट क्यामरा एंगल १२० डिग्रीसम्म बढाउन सकिन्छ । यसमा प्यानोरमा इफेक्ट जस्तो सेल्फी पनि खिच्न सकिन्छ ।

सामसुंग ग्यालेक्सी नोट ४ ले हालै बजारमा आएको आईफोन ६ र ६ प्लसलाई कडा प्रतिस्पर्धा दिने अनुमान गरीएकोछ । तस्विर साभारः सामसंग माेबाइल नेपालको फेसबुक

सामसुंग ग्यालेक्सी नोट ४ को फीचर्स-

डिस्प्ले- 5.7 इंच माबलियो २.५ डि ग्लास

रिज़ोल्यूशन- 1440 x 2560

डिस्प्ले टाइप- सुपर एमोलेड

डायमेंशन 153.5×78.6×8.5

तौल 176 ग्राम

प्रोसेसर 2.7GHZ क्वालकम स्न्यापड्रागन क्वाडकोर

र्याम 3GB

अपरेटिंग सिस्टम एंड्रोइड 4.4, टचविज़

मेमोरी 32GB, 128GB सम्म बढाउन सकिने

ब्याट्री 3,220mAh